عتابا ... وشرفو يا شباب/ بنات

اقتباس :

ياجورج ياللـــي رأسك حنيت
بعد هالغيبة ياما لحبابي حنيت
وياريت أنك لعروسك حنــيت
ويوم حنتك رح نعلــي العتاب

كل عام وانتوا بخير يا احبابنا

سنة جديدة مباركة حلت علينا
وبموقعكم صوت المحبة علينا
كل ماصلينا للسما إيدينا علينا
للرب ياللي لأجلنا حياته وهب
................

كل عــام وانتوا بخير يا احبابنا
............
يالولو أنا لعروسي عندي ألف حنة
وقلبي لملقـي حبابي ياما حن حنة
غرد شحرور الدار ورد عَ أبو حنة
وعما قريب بنزغرد بملقـى حبابنا

عتابا ... وشرفو يا شباب/ بنات - صفحة 9 28_2_3v

ياميجانـا ياميجانــا ياميجانــا
يامحلا المطرات اللي نزلوا بكرمنا
...................
المطر اللي هطل بضيعتي خير وبركة
الحقول أرتوت وصار فيها ألف بركة
أنا كفلاح بتشكر الرب وعليه بركـي
كل الأمانـي بتحسن مواسم كرومنا
..............
بتشكرك يارب اللي سمعت صوتنا

ياميجانـا ياميجانـا ياميجانـا
ردوا عليـنا ياحبايب قلــبنا
...............
نـِزل دمعي على خـدي طريقين
يا شِبـْه المـَي بالوادي طريقين
أنا خمنت الموت والفرقة طريقين
أتـاري الموت والفرقة سـوى
...............
ردوا عليـنا ياحبايب قلــبنا

ياميجانـا ياميجانـا ياميجانـا
بنعود نرجع لأعــز أصحابنا
..................
الهجر صعب ياحبيبي وأنت داري
عليك يخاف قلبـي وأنت داري
أنت أهلي وربعـي وانت داري
أنت كل أصحابي وأعز الحباب
.................
سلامي للأسمر ياطير وصله
أحبه ومن عنده تجبلي وصله
يارب قلبي بشراين قلبه وصله
حتى نريح قلـوبنا من العذاب
................
أنا اللي رهنت قلبـي خليلك
وكيف ياأسمر ماترحم خليلك
حبيبـي الهجر ماأريده خليلك
لأنه سبب الجفا بين الحباب
..................
بنعود نرجع لأعــز أصحابنا

كرمال عينك ياوريد رح نبدأ بالعتابا
.................
الشاعر ضروري يلحق بعصرو
قبل ما ينوصل صبحو بعصرو
إذا حلـي العنقود عجل بعصرو
وخلـي عصيره يتخمر بقلوبنا
.................
العنب عنبكم والعـرق بكأسنا
كأس الحبايب

شكرا كثيييييير للخال سالم
.......
العنب عنبكم والعرق بكاساتنا
.......
تحيّــــاتي لأعضاء هالبيت أجمع
لأجلهم كل ورود الـكون لإجمع
ياربّي بين هالخــــــــــلاّن إجمع
بخير وبارك فراح الحبــــــــاب
........
رجعنا نشارك بالعتابا والغنا

والله أهلا بـ سالم وبـ أبو داني في العتابا والميجانا
وتقبلوا مني هالبيت
..........
أنا كل فنون الحــب بشعري كاتب
تاصرت بقلوب الحلوين أشهر كاتب
علـــى شراب الورد بإيـــدي كاتب
من ورد خدودوها مصنوع الشراب
............
العنب عنبكم والعرق بكاساتنا

آآووووووووووووووف
لفـو الشعار كمـا الـــورد ع العين
يامحـلا العشق لما العين تقع عالعين
بكأس الحـب أنتم عالراس وعالعين
ومحبتكم بالبورصة أغلى من الذهب
..............
العنب عنبكــم والعرق بكاساتنا

كاس المحبـــــين
ياحلوة طلي علينا وأثبتي وجودك
وخلينا نتبارك من كرمك وجودك
اسقينـي الكاس من قلبك وجودك
من جـــود القلب بيطيب الشراب
.................
العنب عنبكــم والعرق بكاساتنا

جريت الرباب وعنيت ألـف عنة
حتـى حبـاب القلب يسمعوا عني
إله الكون ع فرقتهـم بغربتي عني
قلبي عندهم وجسمي من الهم داب
.............
العنب عنبكــم والعرق بكاساتنا

يامن جريت الربابة تَ تسمع عنك
أوتار الربابة مابتحمل هموم عنك
خبرني إذا إله الكون بالغربة عنك
تَ خبرك شو قالـوا عنك الحباب
...........
العنب عنبكــم والعرق بكاساتنا
...........
كأس المحبـــــين
ياربي لو طلب منك المحبوب عينه
وخلي الكحل يطغي ع سواد عينه
من يوم اللـي رماني بسهم عينه
وقع القلب بالهوى وماعاد طاب
.............
العنب عنبكــم والعرق بكاساتنا

آآووووووووووووووف
...........
الربابة تناجي همومي وتشد وترها
حتى تجي وتشوف بعيونك و ترها
حبال المحبة قويـها ومتن وتـرها
بتخفف عنك آلام الغربـة والغياب
................
كل يوم أمشي درب حبابـي ورد فيه
حتى الدرب من الدمع نبت ورد فيه
انتظر بيت العتابا من عندكم ورد فيه
تحيات من القلـب لأعز الحبــاب
...................
العنب عنبكــم والعرق بكاساتنا

إلــى كل المشاركين في العتابا والميجانا
مشــــــــــكورين جـــدا
ولكن للتنويه سنضطر إعادة تنسيق كتابة
بيت العتابا غير المنسق ليبدو بمظهر أجمل
فياريت ماحدا يزعل
ولكم منا أجمل التحيات

هلا بالمشي الدرب وبعيوني ينشاف
وامسح دموع عينه بايدي ت ينشاف
نبع العتابا مثل نبع وادينا ما ينشاف
ولا ينشاف حبكـم يا أغلـى الحباب
...........
العنب عنبكــــم والعرق بكاساتنا
..............
إصبر ع حبابك فـي حلاوتــهم ومرهم
وخلي روحك تمشي ع طوعهم وامرهم
حبيبي طبيب جروحـي ودواء ومرهم
وبدونه حياتـــــي كــلـها ألـــم وعذاب
...............
العنب عنبكــــم والعرق بكاساتنا

ياشاعر بالعتابا معاني الحب وصل
ولاتنسى لكل مغترب مكتوب وصل
قلتلـها خذي قلبـي أمانة بلا وصل
وحطي بسمة شفافك توقيع عالكتاب
.............
العنب عنبكــم والعرق بكاساتنا

انا يا جماعة ما عندي مواهب بالكتابة
بس بحب شجعكم من كل قلبي
ومتابعة بالقرأة معكم من اليوم

أنا شعري كلـه حب وبوصل معاني
وياما من ضعف ردكم بالعتابا معاني
إذا بدك قلوب تحبك بدون الـ معاني
حط حبيبك بقلبك وسكر عليه الباب
.............
هلا يالولو .وماعندك مواهب ب الكتابة
شعرنا هدية لكل من يشجعنا ع الكتابة
بمدرسة القلب ماتعلمت القراءة والكتابة
وشهادتي بالحب الأول ع جيل الشباب
..............
العنب عنبكــــم والعرق بكاساتنا
......
شكرا لولي على تشجيعك كلك ذوق أهلا وسهلا بك

أنا بكتب عتابا من عهد جدك وجدي
وإحساس الحب بشعري ثابت وجدي
وحتى عبر عن محبتي بعثتلك وجدي
بعد ما تتأكد لاتنسى تردنا الجـواب
............
نحن بالغربة وزوار مار الياس بديارنا
Like a Star @ heaven

كأسك خي أدمن وينك ياخال وريــد ماعم تبين

لحد هلق ما فضي كاسي وانصفى
العتابا اللـــي رح قولا بدّي إنصفا
نذرا عليي انراق دهــري وانصفى
لجعل حياتي قربكم كيف وهنـــــــا
............................
يارب جمّع لا تفرّق شملنا

الكاس لـــو صفي زيد ثلثيه عـرق
وخلي العتابا تتغنى ع ناي وع رق
بمحبتنا ما نميز بين جنس وعرق
والصداقـة محبة شاهد ع أفعالــنـا
..................
يارب جمّـع لا تفرّق شملنا

ياخيي ضيعتي إحساس بحبي وشعري
وع فرقتها بغربتي زاد شيبي وشعري
برسل لحبابي كتاب من نثري وشعري
وبخلــي الشعر يخبركـم عن أحوالنـا
...............
يارب جمّــــع ولا تفـــرّق شملنا

عذارى البيض بحبّي قـــــــــــــــديمات
وياما مشت عدروبن قـُـــــــــــــديمات
ماواحد بالبشر ياعالم قــــــــدّي..مات
وقـــــــد ما صوّبوا عليّ الهـــــــــداب
.........................
يارب جمّـــــــــــــع لا تفـــــــــرّق شملنا

يامحلا البيض لو مشين حنجلـي
يشبهن غزال الريــم بكل حنجلي
ياشارب الكاس خلي ال حن جلي
القلـب لو حــن مابطفيه الشراب
............
يارب جمّــــع لا تفـرّق شملنا