حنوني حنوني ....... تهنّوا ياهالي
زفّوني لعندو ....... حبيبي الغالي
.......
مابدي تهدوني ....... لا در ولا مال
بس بدي تعطوني ....... زينة الرجال
.......
تعبتو تتربوني ....... بحسن ودلال
ع الخير تدلوني ....... ع الحل والحلال
.......
لا تبكو تبكوني ....... تبعدو الوصال
صورتكم بعيوني ....... بتظلو بالبال
.......
يا أمي الحنوني ....... يا زينة الجمال
لا تبكي يا عيوني ....... ع بعدي إذا طال
.......
فرحي وغني لي ....... وحنّيني بالحال
رقصوا يا حبابي ....... في أحلى الليال
.......
بخاطركم يا إخواني ....... وعمامي والخال
حبيتكم زماني ....... ع مر الأجيال
كتابات باسم عبدالمسيح سركيس
أبو عبد المسيح
2011-01-12, 06:58