أغنية الدلعونا

على دلوعونا على دلوعونا
على حب الضيعة هيك علمونا
::::::::::::::
أنتِ من الوادي يا أهلاً فيكِ
سحر جمالكِ بان بعينيكِ
على أي عين بكرا بلاقيكِ
إنشاء الله من الصبح بتشرفونا

***********
لولو يا حلوة يا بنت سعادي
عرفو حبيتك كثرو حسادي
من عيوني زادو عينين الوادي
ولعيونك سموها وادي العيونا

*************
قلبي وعينيي مرهوني ليكِ
وبهالموقع نحنَ تعرفنا عليكِ
شو كتبتي إلنا يسلم إيديكِ
ويسلم إيدين العرفكي علينا

************

على دلعونا وعلى دلعونا
حبك يا وادي أغلى من الكونا
***************
وتراب الوادي بقلبي رح صونو
وأزرع محبة ع جباله وغصونو
وحدك حبيبي بعمري ما بخونو
قلبي بترابك والله مدفونا

على دلعونا على دلعونا
مطرح ما بنكتب دومًـا لاقونـا

******************
بسمع أشعاركي قلبي بيوجعني
دخيل عيونكي لا تبعدي عني
حبك ياضيعة صار جزء مني
ولو مهما بعدنا ابقو اذكرونا
.....................
يا طير الطاير وصل رسالي
لأرض الوادي وجبالا بالعالي
يا لولو بقلِّك شِعري كلّه ارتجالي
إيدين بتكتب وقلوب يحكونا
...................

على دلعونا على دلعونا
على مار الليان طلّو ولا قونـا
:::::::::::::::::::::::::::::
مار الليان بقلبي والفحيلة بعيوني
بأحد الشعنينة طلّلو ولاقوني
تَلفْ الشمعة بغصن الزيتوني
وأجعل صليبي ينور على الكونا
**************

شكرا ادمين على الدلعونا
لماذا لايشارك بقية الاعضاء بالدلعونا
طالما الدعوة عامة ومفتوحة

شكرا اللي بدأ باب الدلعونا فكرة حلوة و كل كلامكم حلو
و أنا حبيت شارك كما قالت لولو حلو الجميع يشارك
..........................
على دلعونا على دلعونا
عالفحيلة طلو وشرفونا
.....................
أسمك يا عذرا محفور بقلبي
من نور الفادي نورتي دربي
يا أحلى كلمة الصداقة محبي
الوادي والفحيلة أحلى المسكونا