نكث حمصية/ من حمصي في كندا
أرسلت من حمصي من سكان كندا مشكورا
...................
_ واحد حمصي قرر يعمل عملية تجميل ليوسع عيونه .. قام فتحهن على بعض.
_ حمصي متدين قالولو بكرة عيد الحب قال:شو هالورطة!!!وهاي كيف صلاتها
- محشش حمصي راح يعزي ، وبالعزا اتاثر كتير ..هو وطالع سأل أخو الميت : يعني ما في أمل يرجع؟
- حمصي نذل بيصب قهوه لوالده . قللو: شو اخر اخبار النذاله جاوب الابن بكل ثقة وفشخرة : نص القهوه ديتول.
- دخل حرامي حمصي على بنك وقال ..الكل منبطحاً، فكلهم رفعوا إيدهم إلا واحد قاعد عم يضحك فقال الحرامي يخرب بيتك ليش عم تضحك قللو : انت أصلك حمصي...صح؟ قال الحرامي: آي و كيف عرفت.. قللو : لأنه هادا بنك دم.
- ليش الحمصي بيجرح وجهو لما بيرن الجرس وهو عم يحلق ذقنو؟ مشان يعرف وين وصل بالحلاقة.
- في صياد طيور حمصي اشترى كلب صيد قام طلع الكلب جبان. كل ما يسمع صوت رصاص يتخبى وراء صاحبه. قام سأل الصياد رفيقه شو يعمل بالكلب؟ قام قلو: خده على الأعراس فيها قواص كتير ومعه معه بيتعود وما بعود بخاف. قام عمل الصياد متل ما قله رفيقه وبعد شهرين أخذ الكلب عالصيد مرة تانية قام صار الكلب كل ما يسمع صوت قواص يزلغط..
- ليش الحمصي لما بيحكي مع الأجانب بيخللي عينيه لتحت اللي عم يحكي معه؟ مشان يقرأ الترجمة.
- في حمصي ضيع مفاتيح سيارته قامو فتحولو الباب بالسيخ قام عمل نسخة عن السيخ.
- واحد حمصي أتصل بمركز سجل كتاب غينس للأرقام وقال لهم بدنا نسجل مدينة حمص عندكم فقالوا له ماالسبب فقال لهم هي أكثر مدينه في العالم يسكنها حماصنة.
- في ثلاث عمال حماصنة طلب منهم المدير يزرعوا 1000شجرة في شارع .مهمة الاول يحفر حفرة والثاني يغرس الشجرة والثالث يردم الحفرة في اليوم الاول الشغل ماشي تمام في اليوم الثاني غاب الثاني اللي يغرس الشجرة. صار الاول يحفر والثاني يردم وانهو المهمة بدون اشجار.
..............
2009-06-04, 15:30
